Madridning “Real” futbol klubi hujumchisi Krishtianu Ronaldu “Barselona” futbolchisi Lionel Messi bilan raqobat borasida o‘z fikrlarini bildirib o‘tdi. Bu haqda “Stadion.uz” xabar bermoqda.
“Messi bilan raqobat? Bundan xavotirga tushmayman. So‘nggi sakkiz yil davomida men eng yuqori darajadagi o‘yinimni namoyish etib kelyapman. Shunday darajadagi futbolchi bormi, menga ayting?”, — dedi portugaliyalik futbolchi.
“Birinchi va ikkinchi raqamli futbolchilar o‘rtasidagi farq kichik detallarda seziladi, masalan, sovrin yutish yoki yutmaslik masalasida. Siz, balki, Messini eng yaxshi deb hisoblarsiz, ammo men o‘zimni eng yaxshi deb hisoblayman”, — dedi Ronaldu.
Izoh (0)