Londonning “Chelsi” futbol klubi bosh murabbiyi Joze Mourinyo oldiga vaziyatni o‘nglash uchun ikki o‘yindan iborat muddat qo‘yildi. Bu haqda, Angliya matbuotiga asoslanib, “Uff.uz” xabar bermoqda.
Agar londonliklar Kiyevning “Dinamo” klubiga qarshi kechadigan Yevropa Chempionlar Ligasi o‘yinida g‘alaba qozona olmasa, “Stok Siti”ga qarshi 7-noyabr kuni bo‘ladigan uchrashuv Mourinyo uchun “Chelsi”dagi oxirgi bahs bo‘ladi.
Xabar berishlaricha, “Chelsi”ning aksariyat futbolchilari Mourinyoning jamoadan ketishini istamoqda. Qayd etishlaricha, Mourinyo jamoadan ketgan taqdirda uning o‘rnini Karlo Anchelotti egallaydi.
“Hozircha murabbiy bilan bevosita muzokara boshlanmagan. Ammo Anchelotti londonliklarni vaqtincha boshqarishga tayyor”, — deyiladi xabarda.
Izoh (0)