Misr ma’muriyati Rossiyaning “Kogalimavia” aviakompaniyasiga tegishli samolyot qulagan Shimoliy Sinayda favqulodda holat tartibini joriy etdi. Bu haqda “Gazeta.ru” xabar bermoqda.
“RIA Novosti”ning Misr nashrlariga asoslanib xabar berishicha, tibbiy va shoshilinch xizmatlar yuqori tayyorgarlik holatiga keltirilgan, hodisa joyiga 45 ta tez tibbiy yordam brigadasi yo‘l olgan.
Eslatib o‘tamiz, Rossiyaning «Kogalimavia» aviakompaniyasiga tegishli samolyot 31-oktabr, shanba kuni Toshkent vaqti bilan 8:51 da Sharm-ash-Shayxdan Sankt-Peterburg tomon havoga ko‘tarilgan va oradan 23 daqiqa o‘tib radarlardan yo‘qolgan. Qulashdan avval samolyot parvoz balandligini keskin pasaytirgani aytilmoqda.
Bortida 224 kishi bo‘lgan samolyotning qulaganini Misr bosh vaziri devoni tasdiqladi, Rossiya Favqulodda vaziyatlar vazirligi esa Misrga qutqaruvchilarni yuborishga shaylab qo‘yganini ma’lum qildi. Qayd etishlaricha, samolyot ekipaji o‘tgan hafta davomida dvigateldagi muammolar yuzasidan bir necha bor shikoyat qilgan.
Izoh (0)