Pokiston dunyo davlatlarini yadro dasturiga bosim o‘tkazmaslikka chaqirdi. Mamlakat tashqi ishlar vaziri Aziz Choudri Islomoboddagi xalqaro anjumanda bunga da’vat qilgan, deya xabar beradi “TASS”.
“Pokiston yadro arsenali tiyib turish uchun xizmat qiladi, — deya ta’kidlagan Choudri. —Xalqaro hamjamiyat Janubiy Osiyoda ikkiyoqlama yondoshuvlarga barham berishi kerak”.
AQSh Pokistonni Janubiy Osiyoda beqarorlik yuzaga kelishining oldini olish uchun yadro quroli dasturini rivojlantirishni cheklashga chaqirganidan so‘ng vazir shunday bayonot bergan.
U amerikalik ekspertlarning Pokiston 2025-yilga kelib atom elektr stansiyaga ega dunyodagi beshinchi yirik davlat bo‘lishi to‘g‘risidagi xulosalarini ham inkor etdi va “bunday ma’ruzalar jamoatchilikni Hindistonda yadro manbalari zaxirasi ortib borayotganidan chalg‘itish maqsadida tayyorlanadi”, deb izohladi.
Izoh (0)