Миср маъмурияти Россиянинг «Когалимавиа» авиакомпаниясига тегишли самолёт қулаган Шимолий Синайда фавқулодда ҳолат тартибини жорий этди. Бу ҳақда «Газета.ru» хабар бермоқда.
«РИА Новости»нинг Миср нашрларига асосланиб хабар беришича, тиббий ва шошилинч хизматлар юқори тайёргарлик ҳолатига келтирилган, ҳодиса жойига 45 та тез тиббий ёрдам бригадаси йўл олган.
Эслатиб ўтамиз, Россиянинг «Когалимавиа» авиакомпаниясига тегишли самолёт 31 октябрь, шанба куни Тошкент вақти билан 8:51 да Шарм-аш-Шайхдан Санкт-Петербург томон ҳавога кўтарилган ва орадан 23 дақиқа ўтиб радарлардан йўқолган. Қулашдан аввал самолёт парвоз баландлигини кескин пасайтиргани айтилмоқда.
Бортида 224 киши бўлган самолётнинг қулаганини Миср бош вазири девони тасдиқлади, Россия Фавқулодда вазиятлар вазирлиги эса Мисрга қутқарувчиларни юборишга шайлаб қўйганини маълум қилди. Қайд этишларича, самолёт экипажи ўтган ҳафта давомида двигателдаги муаммолар юзасидан бир неча бор шикоят қилган.
Изоҳ (0)