Kanada qirg‘oqlari yaqinida kruiz kemasining cho‘kib ketishi oqibatida besh kishi halok bo‘ldi. Bu haqda “Interfaks” agentligi xabar bermoqda.
Hozirgacha 21 kishi qutqarib qolindi, ularning barchasi kasalxonaga yotqizilgan. Kema bortida bo‘lgan yana bir kishini qidirish ishlari davom etmoqda.
Xabar berishlaricha, bortida 27 yo‘lovchi va ekipaj a’zolari bo‘lgan kruiz kemasi Toshkent vaqti bilan 26-oktabrga o‘tar kechasi Britaniya Kolumbiyasi provinsiyasida joylashgan Tofino shahri qirg‘oqlari yaqinida cho‘kib ketgan.
Qayd etishlaricha, Jamie's Whaling Station and Adventure Centres kompaniyasiga tegishli kema sayyohlarni kit tomoshasiga olib borish maqsadida dengizga chiqqandi. Kema halokatiga aynan nima sabab bo‘lgani hozircha noma’lum.
Izoh (0)