Канада қирғоқлари яқинида круиз кемасининг чўкиб кетиши оқибатида беш киши ҳалок бўлди. Бу ҳақда «Интерфакс» агентлиги хабар бермоқда.
Ҳозиргача 21 киши қутқариб қолинди, уларнинг барчаси касалхонага ётқизилган. Кема бортида бўлган яна бир кишини қидириш ишлари давом этмоқда.
Хабар беришларича, бортида 27 йўловчи ва экипаж аъзолари бўлган круиз кемаси Тошкент вақти билан 26 октябрга ўтар кечаси Британия Колумбияси провинциясида жойлашган Тофино шаҳри қирғоқлари яқинида чўкиб кетган.
Қайд этишларича, Jamie's Whaling Station and Adventure Centres компаниясига тегишли кема сайёҳларни кит томошасига олиб бориш мақсадида денгизга чиққанди. Кема ҳалокатига айнан нима сабаб бўлгани ҳозирча номаълум.
Изоҳ (0)