Xitoyning Pinlyan shahrida istiqomat qiluvchi fuqaro 14 ming dollar evaziga Britaniya qirolichasi Yelizaveta II’ning karetasi nusxasini tayyorladi. Bu haqda Shanghaiist xabar bermoqda.
Ismi oshkor etilmayotgan erkak Mo‘g‘ulistonda ikki ot va eski ot-aravani sotib olgan; aravani qirollik karetasiga xos bezaklar bilan yasatib bo‘lganidan so‘ng, u sayyohlarni sayr qildirish evaziga kuniga 200 dollardan pul ishlay boshladi.
Shanghaiist’ning yozishicha, xitoylik mazkur transport vositasini ancha ilgari tayyorlab, foydalanishni boshlagan, biroq jahon jamoatchiligi bu haqda Xitoy rahbarining 20-oktabr kuni Buyuk Britaniyaga kelganidan so‘ng bildi. Tashrif avvalida Si Szinpin qirollik karetasida qirolicha Yelizaveta II bilan birga Bukingem saroyiga bordi.
Diamond Jubilee State Coach nomli haqiqiy karetani olti tulpor tortadi, u elektr oyna ko‘targichlar, isitish tizimi va gidravlik stabilizatorlar bilan ta’minlangan.
Izoh (0)