Хитойнинг Пинлян шаҳрида истиқомат қилувчи фуқаро 14 минг доллар эвазига Британия қироличаси Елизавета II’нинг каретаси нусхасини тайёрлади. Бу ҳақда Shanghaiist хабар бермоқда.
Исми ошкор этилмаётган эркак Мўғулистонда икки от ва эски от-аравани сотиб олган; аравани қироллик каретасига хос безаклар билан ясатиб бўлганидан сўнг, у сайёҳларни сайр қилдириш эвазига кунига 200 доллардан пул ишлай бошлади.
Shanghaiist’нинг ёзишича, хитойлик мазкур транспорт воситасини анча илгари тайёрлаб, фойдаланишни бошлаган, бироқ жаҳон жамоатчилиги бу ҳақда Хитой раҳбарининг 20 октябрь куни Буюк Британияга келганидан сўнг билди. Ташриф аввалида Си Цзиньпин қироллик каретасида қиролича Елизавета II билан бирга Букингем саройига борди.
Diamond Jubilee State Coach номли ҳақиқий каретани олти тулпор тортади, у электр ойна кўтаргичлар, иситиш тизими ва гидравлик стабилизаторлар билан таъминланган.
Изоҳ (0)