Krishtianu Ronaldu brendi dunyodagi eng qimmatbaho brendlar o‘ntaligiga kirdi

Madridning “Real” klubi va futbol bo‘yicha Portugaliya terma jamoasi hujumchisi Krishtianu Ronaldu Forbes rasmiy saytida e’lon qilingan 2015-yilda sportchilar orasidagi eng qimmatbaho brendlar reytingiga kirdi, deb yozadi “RIA Novosti”.

Portugaliyalik sportchining brendi 16 million dollarga baholandi. “Barselona”ning argentinalik forvardi Lionel Messi esa ushbu ro‘yxatdan o‘rin olmadi.

Yuqori o‘ntalikda amerikalik golfchi Tayger Vuds yetakchilik qildi, uni nashr 30 million dollarga baholadi. Ikkinchi o‘rinni ham amerikalik yana bir golfchi Fil Mikelson egalladi. Uchinchi pog‘onanani amerikalik basketbolchi Lebron Jeyms va shveysariyalik tennischi Rojer Federer bo‘lib oldi.

Krishtianu Ronaldu ushbu reytingdagi yagona futbolchi bo‘ldi.

To‘liq ro‘yxat quyidagicha:

1. Tayger Vuds (golf) — 30 mln dollar;
2. Fil Mikelson (golf) — 28 mln dollar;
3. Lebron Jeyms (basketbol) — 27 mln dollar;
4. Rojer Federer (tennis) — 27 mln dollar;
5. Maxendra Singx Doni (kriket) — 21 mln dollar;
6. Useyn Bolt (yengil atletika) — 18 mln dollar;
7. Kevin Dyurant (basketbol) — 18 mln dollar;
8. Krishtianu Ronaldu (futbol) — 16 mln dollar;
9. Rori Makilroy (golf) — 12 mln dollar;
10. Floyd Meyuezer (boks) — 11,5 mln dollar.