Polshaning o‘zi ag‘daruvchi yuk avtomobillarni ishlab chiqarishga ixtisoslashgan KH-KIPPER kompaniyasi vakillari O‘zbekistonga tashrif buyurdi. Bu haqda “O‘zavtosanoat” kompaniyasi matbuot xizmati xabar bermoqda.
Tashrif davomida kompaniya vakillari MAN kompaniyasi va “O‘zavtosanoat” hamkorligida Samarqandda tashkil etilgan “O‘zavtotreyler” qo‘shma korxonasida bo‘lib, uning faoliyati bilan yaqindan tanishdi.
Tashrifdan ko‘zlangan asosiy maqsad o‘zaro tajriba almashish va hamkorlikni yo‘lga qo‘yishdan iborat.
1997-yildan buyon faoliyat yuritib kelayotgan KH-KIPPER kompaniyasi o‘tgan davr mobaynida sifatli va qulay o‘zi ag‘daruvchi yuk avtomobillari ishlab chiqarish bo‘yicha Yevropa bozorlarida o‘zining munosib o‘rniga ega.
“O‘zavtosanoat” matbuot xizmatining qayd etishicha, kompaniya mahsulotlarining sifati, mukammal tuzilishi va xavfsiz ishlashi ko‘p yillik mijozlar tomonidan e’tirof etilgan.
Izoh (0)