Tim Kuk avtomobil sanoatida inqilob bo‘lishi kutilayotganini aytdi

Apple rahbari Tim Kuk Janubiy Kaliforniyadagi an’anaviy texnologik anjumanda avtomobil sanoatida “ulkan o‘zgarishlar” kutilayotganini aytdi, deb yozadi “Gazeta.ru”.

“Avtomobilga qarab, dasturiy ta’minot kelajak avtomobilining asosiy qismiga aylanayotganini ko‘raman. Shu narsa yaqqolki, avtonom haydash ancha muhim bo‘lib bormoqda”, — dedi Kuk. Biroq u Apple o‘z avtomobilini chiqarishi haqidagi mish-mishlarga izoh berib o‘tirmadi.

Eslatib o‘tamiz, Apple elektromobil chiqarishini rasman e’lon qilmagan, ammo kompaniyaning bu loyihasi to‘g‘risidagi ovozalar ko‘p bor tarqalgandi. Apple rahbari Tim Kuk avtomobil ishlab chiqarish kompaniya uchun boshqa ko‘plab yo‘nalishlar qatori qiziqarli ekanini ta’kidlagan.