2015-yil 12-oktabr kuni Oliy va o‘rta maxsus ta’lim vazirligi, Xalq ta’limi vazirligi hamda Mehnat va aholini ijtimoiy muhofaza qilish vazirligining “O‘quv mashg‘ulotlarini o‘tkazganlik uchun mehnatga soatbay haq to‘lash miqdorlarini tasdiqlash to‘g‘risida”gi qarori imzolandi, deb xabar beradi “Xushnudbek.uz”.
Unga ko‘ra, o‘quv mashg‘ulotlarini o‘tkazganlik uchun mehnatga soatbay haq to‘lashning yangi miqdorlari tasdiqlandi. Mazkur miqdorlar 2015-yil 1-sentabrdan boshlab amalga kiritilishi belgilab qo‘yildi.
Oliy ta’lim muassasalarining rahbar va pedagog kadrlarini qayta tayyorlash va ularning malakasini oshirish kurslariga mashg‘ulotlar o‘tkazish uchun soatbay ish haqi to‘lash shartlari bilan jalb etiladigan shaxslarga soatbay ish haqi miqdori belgilangan miqdorlaridan 25 foizga ko‘paytiriladi.
Soatbay haq to‘lash miqdori tarkibiga mehnat ta’tili haqi kiritilgan.
O‘zbekiston Respublikasi Fanlar akademiyasi, Qishloq xo‘jaligi fanlar akademiyasi akademiklari mehnatiga soatbay haq to‘lash miqdorlari 15 foizga oshiriladi.
O‘quv mashg‘ulotlarini soatbay haq to‘lash asosida olib borganlik uchun haq to‘lash xarajatlari ta’lim muassasasi xarajatlar smetasining hisob-kitoblar yoyilmasida alohida qator bilan ajratilgan soatbay haq to‘lash fondi mablag‘lari doirasida amalga oshiriladi.
Soatbay haq to‘lash miqdorlari akademik soatdan kelib chiqib belgilangan.
O‘quv mashg‘ulotlarini o‘tkazganlik uchun mehnatga soatbay haq to‘lash miqdorlari bilan “Xushnudbek.uz” saytidagi ushbu havolada tanishishingiz mumkin.
Izoh (0)