Andijon orqali Qirg‘iziston Respublikasiga olib boruvchi ko‘prik ta’miri oxiriga yetmoqda

Guliston—Bo‘ka—Angren—Qo‘qon yo‘li va Farg‘ona halqa yo‘lining Qirg‘iziston Respublikasi, O‘sh shahriga olib boruvchi avtomobil yo‘li bilan tutashmasi — Andijon xalqaro aeroporti yaqinidagi ko‘prik ta’miri oxiriga yetmoqda. Bu haqda “Telegraf.uz” xabar berdi.

40 yil oldin qurilgan, umumiy uzunligi 420 metr bo‘lgan mazkur ko‘prikning kengligi 12,5 metr bo‘lib, ta’mirdan so‘ng 24 metrga yetkaziladi. Ta’mir doirasida 1700 metr kub  betonlash ishlari bajarildi, 1500 tonna asfalt qoplama yotqizildi. Har ikki tomondagi piyodalar yo‘lakchalari yurish uchun qulay holatga keltirildi va zamonaviy yoritgichlar o‘rnatildi.

2013-yil avgustida boshlangan va jami 22,4 milliard so‘m sarflangan ta’mirlash ishlarini 1-noyabrda yakunlash ko‘zda tutilgan.