Microsoft kompaniyasi WhatsApp, Google Hangouts va boshqa messenjerlar foydalanuvchilari uchun Skype’ga to‘g‘ridan-to‘g‘ri ulanish funksiyasini ishga tushiradi, deya xabar bermoqda PC World.
Begona servis foydalanuvchisini ulash uchun Skype foydalanuvchisi unga link yuborishi, abonent u orqali kirib, bitta aloqa sessiyasi uchun Skype veb-versiyasida ro‘yxatdan o‘tishi kerak. Funksiyani Skype for Windows, Skype for Mac, Skype veb-versiyasi, shuningdek, Android va iOS’dagi mobil qurilmalar foydalanuvchilari qo‘llashi mumkin.
Ayni paytda funksiya AQShlik foydalanuvchilarda mavjud bo‘lib, asta-sekinlik bilan butun dunyoga tarqaladi.
Microsoft shu tariqa o‘ziga raqobatchi bo‘lgan VoIP-telefoniya (internet orqali ovozli xabar yuborish) dasturlarining ko‘p millionli foydalanuvchilarini jalb qilmoqchi.
Izoh (0)