Microsoft компанияси WhatsApp, Google Hangouts ва бошқа мессенжерлар фойдаланувчилари учун Skype’га тўғридан-тўғри уланиш функциясини ишга туширади, дея хабар бермоқда PC World.
Бегона сервис фойдаланувчисини улаш учун Skype фойдаланувчиси унга линк юбориши, абонент у орқали кириб, битта алоқа сессияси учун Skype веб-версиясида рўйхатдан ўтиши керак. Функцияни Skype for Windows, Skype for Mac, Skype веб-версияси, шунингдек, Android ва iOS’даги мобил қурилмалар фойдаланувчилари қўллаши мумкин.
Айни пайтда функция АҚШлик фойдаланувчиларда мавжуд бўлиб, аста-секинлик билан бутун дунёга тарқалади.
Microsoft шу тариқа ўзига рақобатчи бўлган VoIP-телефония (интернет орқали овозли хабар юбориш) дастурларининг кўп миллионли фойдаланувчиларини жалб қилмоқчи.
Изоҳ (0)