Nyu-Yorkning Tayms-Skver maydonida joylashgan Knickerbocker mehmonxonasi o‘z mehmonlariga ikki dollar evaziga xona olishni taklif qildi. Bu haqda “Korrespondent.net” xabar bermoqda.
Mazkur aksiya mehmonxona faoliyati boshlanganining 109 yilligi va ta’mirlash ishlaridan so‘ng qayta ochilishiga bag‘ishlangan bo‘lib, otel o‘z faoliyatini boshlagan payt unda bir kecha tunab qolish narxi aynan ikki dollar edi.
Aksiya 16-oktabriga qadar davom etadi, xonalarni esa faqat 23-oktabrga qadar — mehmonxonaning 109 yilligi nishonlanadigan kungacha band qilish mumkin. Aksiya bo‘yicha taklif qilinadigan ikki dollarlik xonalar soni cheklangan.
Izoh (0)