2014-yil iyunidan 2015-yil iyunigacha bo‘lgan davrda internet-banking orqali rossiyaliklarning pul mablag‘larini o‘g‘irlash holatlarining 60 foizdan ortig‘i Android operatsion tizimidan foydalanib amalga oshirilgan. Bu haqda Group IB kompaniyasi hisobotiga tayanib, “TASS” xabar bermoqda.
Ushbu davrda firibgarlar jismoniy shaxslardan 99 million rubl o‘g‘irlagan, shuning 61 millioni Android-qurilmalar egalari hissasiga to‘g‘ri keladi.
2014-yil bilan qiyoslaganda jismoniy shaxslardan o‘g‘irlash holatlari kamaydi, avval u 105,8 million rublni tashkil etardi. Biroq muvaffaqiyatli hujumlar soni shu davrning o‘zida uch marta ko‘paygan.
Group IB bosh direktori Ilya Sachkov fikricha, bu xakerlik biznesiga kirishning osonlashgani bilan bog‘liq: bunday turdagi o‘g‘rilik uchun zarur asboblarni bir necha ming dollarga sotib olish mumkin.
Izoh (0)