Xitoy mamlakatdagi texnologiyalar sohasi taraqqiyoti va ommaviy ishlab chiqarish sabab milliarderlar soni bo‘yicha AQShdan o‘zib ketdi. Bu haqda “RIA Novosti” xabar bermoqda.
Hurun Research Institute (HRI) tadqiqot tashkiloti tomonidan e’lon qilingan reyting ma’lumotlariga ko‘ra, Xitoy iqtisodiy o‘sishi pasayganiga qaramay, mamlakatdagi milliarderlar soni 242 nafardan 596 nafargacha ko‘paygan, AQShda esa ayni vaqtda 537 nafar milliarder bor.
Reytingdan ma’lum bo‘lishicha, onlayn savdo, ko‘ngilochar yo‘nalish sanoati va boshqa xizmatlar eng serdaromad sohalar bo‘lib turibdi. Ayni vaqtda, qayd etishlaricha, qora metallurgiya va foydali qazilmalarni qazib olish kabi sanoat sohalari kamroq foyda keltirmoqda.
HRI talqiniga ko‘ra, Wanda kompaniyasi rahbari Van Szyanlin Xitoyning eng badavlat odami, deb topildi. Uning kompaniyasi mehmonxona biznesi, savdo markazlari va kinoteatrlar sohasida faoliyat olib boradi, boyligi esa 34,4 milliard dollarga baholanmoqda.
Izoh (0)