Eritreya termasining o‘n nafar futbolchisi 2018-yilgi jahon chempionati saralash bosqichining birinchi davrasi doirasida bo‘lib o‘tgan safardagi o‘yindan so‘ng Botsvanadan boshpana so‘radi, deya xabar bermoqda “Segodnya.ua”.
Javob uchrashuvi 13-oktabr kuni Botsvananing Fransistaun shahrida o‘tkazildi va mezbonlar foydasiga 3:1 hisobida yakunlandi, ular ikkita o‘yin natijalariga ko‘ra, saralashning ikkinchi davrasiga chiqdi.
14-oktabr kuni ertalab Eritreya termasining o‘n futbolchisi uyga qaytayotgan samolyotga o‘tirmaslikka qaror qildi, shundan so‘ng ular mahalliy politsiya tomonidan qo‘lga olindi. Futbolchilar boshpana so‘rash uchun Qizil Xoch tashkiloti bo‘linmasini qidirib shahar kezib yurgan bo‘lgan.
Mahalliy gazeta yozishicha, eritreyalik o‘yinchilar kelgusida milliy armiyaga qo‘shilishni tasavvur qilib, dahshatga tushgan.
Nashr ta’kidlashicha, so‘nggi yillarda eritreyalik sportchilarning boshqa davlatlardan boshpana so‘rash hollari ko‘p kuzatilmoqda.
BMT Eritreya hukumatini inson huquqlarini buzish, odamlarni qiynoqqa solish va qullar mehnatidan foydalanishda ayblamoqda, biroq mamlakat hukumati bularni rad etmoqda.
Izoh (0)