Iordaniya shahzodasi Ali bin al-Husayn xalqaro futbol federatsiyasi (FIFA) prezidentligi saylovida ishtirok etish uchun rasman talabnoma berdi. Bu haqda “TASS” ma’lum qildi.
FIFA prezidenti lavozimiga nomzodlik tashkilotning kamida besh a’zosi qo‘llab-quvvatlaganida haqiqiy hisoblanadi. Shahzoda qaysi mamlakatlar futbol federatsiyalari uning nomzodini ilgari surganini oshkor qilmadi.
“FIFA uchun og‘ir bo‘lgan hozirgi paytni ijobiy o‘zgarishlarni amalga oshirish imkoniyati sifatida baholash mumkin, — deya ta’kidlagan shahzoda Ali. — Tashkilotning kelajagi to‘g‘risidagi muhokamalar chog‘ida ko‘pgina yaxshi g‘oyalar ilgari surildi. Biroq hamma gap ushbu g‘oyalarni hayotga tatbiq etilishida. Bu esa FIFAga haqiqiy yetakchi saylanganida amalga oshadi”.
Eslatib o‘tamiz, xalqaro futbol tashkiloti rahbarligiga saylov 2016-yil, 26-fevralda bo‘lib o‘tishi rejalashtirilgan, biroq mazkur sana ko‘chirilishi ham ehtimoldan xoli emas. Saylovda ishtirok etish uchun talabnoma berish muddati esa 26-oktabrda yakunlanadi.
Izoh (0)