Moskvaning Timiryazev tuman sudi 15-oktabr, payshanba kuni Rossiya Liberal-demokratik partiyasi yetakchisi Vladimir Jirinovskiyning Sobiq Ittifoq sobiq prezidenti Mixail Gorbachyov ustidan da’vosini ko‘rib chiqishni keyinga qoldirdi, deya xabar bermoqda “TASS”.
Sud vakili ma’lum qilishicha, sud Gorbachyov vakillarining iltimosini qondirib, eshitishni 29-oktabrga qoldirgan, ular Gorbachyov sud majlisida shaxsan o‘zi qatnashmoqchi ekanligini aytgan.
Majlis chog‘ida Gorbachyov vakillari siyosatchining xastalik tufayli sudga kela olmaganini ma’lum qildi.
Eslatib o‘tamiz, Jirinovskiyning da’vosi Gorbachyovning “Kremldan so‘ng” kitobi chop etilishi bilan bog‘liq. Jirinovskiyning aytishicha, kitobda uning ekstremistik ruhdagi shiorlari va provokatsiyalarga aloqadorligi to‘g‘risida so‘z borgan. Partiya yetakchisining fikriga ko‘ra, bu ma’lumotlar haqiqatga to‘g‘ri kelmaydi.
Da’vo arizasi 7-sentabr kuni Moskvaning Timiryazev tuman sudiga berilgan. Jirinovskiy Gorbachyovdan yetkazilgan ma’naviy zarar uchun 1 million rubl va chop etilgan ma’lumotlarga raddiya berishni talab qilmoqda.
Izoh (0)