Kiyev Qrimning Rossiya tarkibiga qo‘shib olinishi yuzasidan Inson huquqlari bo‘yicha Yevropa sudida Moskvadan talab qilayotgan kompensatsiya puli miqdori bir trillion dollar emas, bir trillion grivnani tashkil etadi. Bu haqda, “Politicheskaya Rossiya” xabariga ko‘ra, Ukraina hukumati matbuot xizmati ma’lum qildi.
“Bosh vazir pul miqdori haqida gapirganida grivnani nazarda tutgan”, — deyiladi Ukraina Vazirlar Mahkamasi matbuot xizmati xabarida.
Avvalroq, Ukraina bosh vaziri Arseniy Yatsenyuk Strasburg sudi 2016-yil yanvariga qadar Kiyevning ikki da’vosi bo‘yicha Moskvadan izoh kutishini ma’lum qilgandi. Ayni vaqtda, u Qrim anneksiyasi bo‘yicha yetkazilgan zarar miqdori “bir trillionga baholangani”ni aytgan, biroq gap qaysi valyutada borayotganiga aniqlik kiritmagandi.
Izoh (0)