Chelyabinsk meteoritining “ukasi” shu yuz yillikda Yerga bir necha marta hujum qilishi mumkin, deb hisoblaydi Rossiya Fanlar akademiyasi meteoritlar qo‘mitasi a’zosi, Ural federal universiteti professori Viktor Groxovskiy. Bu haqda “TASS” xabar bermoqda.
Olim o‘z gipotezasini so‘nggi bir necha yuz yillikda Yerga bo‘lgan meteorit hujumlari statistikasini o‘rganish asosiga qurganini ta’kidladi.
“Ancha yirik meteoritlar Yerga bir yuz yillikda taxminan 2—3 marta hujum qiladi. Masalan, XX asrda ushbu xronologiyani Tunguska meteoriti ochgan. So‘ng Yerga kamida yana ikki marta hujum bo‘lgan”, — deya eslatdi Groxovskiy.
Olimning so‘zlariga ko‘ra, “Chelyabinsk” meteoriti qulaganidan so‘ng turli ekspertlar sayyoramizni xavfli osmon jismlaridan himoya qilish maqsadida vaziyatni monitoring qiluvchi sun’iy yo‘ldoshlarni uchirishni taklif qilgan. Biroq o‘tgan 1,5 yil ichida yerga meteoritlar yaqinlashishini prognoz qilishda hech qanday natijaga erishilmagan.
Eslatib o‘tamiz, 2013-yilning 15-fevral kuni Rossiyaning Chelyabinsk shahridagi Chebarko‘l ko‘liga umumiy og‘irligi 10 ming tonna deb taxmin qilinayotgan meteorit tushgan edi. Ushbu hodisa yuz bergan mahal portlash to‘lqini natijasida deraza oynalari darz ketgan va yaqindagi uylarning tomi uchib ketgan edi. Mingdan ortiq kishilar esa tibbiy yordam so‘rab murojaat etgan edi.
Izoh (0)