AQShning Ogayo shtatida yashovchi Roman Antvud rafiqasini cho‘chitish va bu tomoshani videoga olish uchun uch yoshli o‘g‘lining “o‘limi”ni sahnalashtirdi, deya xabar berdi Daily Mail Online.
YouTube’da mashhur bo‘lgan 32 yoshli qiziqchi pult yordamida boshqariladigan kvadrotsikl, portlovchi qurilma va o‘g‘lidek kiyintirilgan qo‘g‘irchoqni tayyorlab qo‘ydi. Turmush o‘rtog‘i bilan bolakayni kvadrotsiklga o‘tqazishgach, Antvud xotinini chalg‘itib, o‘g‘lini maneken bilan alishtirib qo‘ydi. Boshqariladigan mashina joyidan qo‘zg‘aldi, tramplinga yaqinlashdi va ko‘zdan g‘oyib bo‘ldi. Shundan so‘ng alangasi to‘qqiz metr balandlikka ko‘tarilgan portlash yuz berdi.
Mazkur portlash va rafiqasining bu paytdagi holati tasvirlangan videoni amerikalik YouTube’ga joyladi. Blowing up my kid PRANK!! roligi ikki kunning o‘zida 4,5 million martadan ziyod ko‘rilgan. Unga 467,5 ming kishi “layk” qo‘ygan, shu bilan birga, 9,6 ming foydalanuvchiga bunday “hazil” yoqmagan.
https://youtu.be/92agCKHpMqw
Izoh (0)