Boris Nemsovning o‘ldirilishi bo‘yicha jinoyat ishi ekspertizasi mazkur jinoyatni amalga oshirishda gumon qilinib hibsga olingan Zaur Dadayev va boshqalarning aybdor ekanligini tasdiqladi. Bu haqda Meduza xabar bermoqda.
“Kommersant” nashri ma’lumotlariga ko‘ra, ekspertiza Dadayev hibsga olinishi bilan bergan, biroq keyinchalik rad etgan ko‘rsatmalarining haqqoniy ekanligini tasdiqladi. Dadayev Nemsovning beliga uch marta, muxolifatchi siyosiy arbob yerga yiqilganidan so‘ng yana ikki yoki uch marta o‘q uzganini aytib o‘tgandi.
Ballistik ekspertiza ma’lumotlariga ko‘ra, Dadayevni tintuv qilish vaqtida qotil foydalangan patronlar bilan bir bo‘lgan o‘qlar topilgan.
Boris Nemsov 2015-yil 27-fevral kuni Moskva markazida otib ketilgan edi. Uning o‘ldirilishi bilan bog‘liq jinoyat ishi doirasida besh kishi hibsga olingan bo‘lib, Chechenistonning “Sever” bataloni qo‘mondni sobiq o‘rinbosari Zaur Dadayev bosh ayblanuvchi hisoblanadi.
Izoh (0)