“Rossiya” brendining qiymati bir yilda 31 foizga qadrsizlandi. Bu haqda, Brand Finance kompaniyasi mutaxassislari tomonidan tayyorlangan milliy brendlarning yillik reytingiga asoslanib, Meduza xabar bermoqda.
2015-yilda “Rossiya” brendining qiymati 810 milliard dollarga baholandi va reytingning 18-pog‘onasidan joy oldi. Bir yil avval 12-o‘rinda bo‘lgan mazkur brendning qiymati 1,167 trillion dollarga teng edi.
“Rossiya” brendi so‘nggi bir yil ichida eng ko‘p qadrsizlangan brendlar uchligidan o‘rin oldi. Uchlikka Ukraina milliy brendlari boshchilik qilayotgan bo‘lsa (45 foizga qadrsizlangan), Peru ikkinchi bo‘lgan (33 foizga qadrsizlangan).
2015-yilda eng tez o‘sgan milliy brend sifatida “Eron” qayd etilgan — uning qiymati bir yil ichida 59 foizga o‘sib, 159 milliard dollarni tashkil etdi.
Jahonning eng qimmat milliy brendi maqomini Qo‘shma Shtatlar o‘zida saqlab qoldi. Brand Finance mutaxassislari “AQSh” brendini 19,7 trillion dollarga baholadi, bu bir yil avvalgiga nisbatan 500 milliard dollarga qimmat.
Reytingda uchinchi o‘rinni 6,3 trillion dollarlik baho bilan “Xitoy”, uchinchi o‘rinni esa 4,1 trillion dollar bilan “Germaniya” milliy brendlari egalladi.
Izoh (0)