Rossiyaning Liviyada qo‘lga olingan “Mexanik Chebotarev” tankeri ekipaji yaqin kunlarda ozod etiladi. Bu haqda Checheniston rahbari Ramzan Qodirov Instagram’dagi sahifasida ma’lum qildi, deya xabar beradi “RIA Novosti”.
“Taklifimga ko‘ra Grozniyga kelgan Liviya bosh vaziri Xalif al-Avval meni bunga ishontirdi, — deya ta’kidlagan Qodirov. — U ayrim texnik masalalar hal etilgach, ekipaj Rossiyaga qaytishini va’da qildi. Bu Liviya rahbariyati Rossiya bilan yaxshi munosabatlar o‘rnatishga intilayotganidan dalolat beradi”.
Eslatib o‘tamiz, “Mexanik Chebotarev” tankeri 16-sentabrda Liviyada neft kontrabandasida gumon qilinib, qo‘lga olingan edi.
Izoh (0)