Xitoy yaqin olti yil ichida qashshoqlikni butunlay tugatish niyatida. Bu haqda, Reuters xabariga ko‘ra, Xitoy hukumatining rivojlanish va qashshoqlikka qarshi kurash bo‘yicha yetakchi guruhi boshlig‘i o‘rinbosari Xun Tyanyun bayonot bergan.
Uning qayd etishicha, maxsus davlat dasturisiz ushbu vazifani uddalash oson bo‘lmaydi. “Shunday qilib, nafaqat markazdagi, balki joylardagi hokimiyatning barcha darajalariga bosim tushadi”, — dedi Xun.
Xitoy aholisi soni qariyb 1,4 milliard bo‘lib, ularning 70 million nafari qashshoqlik yoqasida yashaydi. Ularning yillik daromadi 2,3 ming yuan (taxminan 360 AQSh dollari)ni tashkil etadi. Qashshoq xitoyliklarning aksariyati qishloqlarda istiqomat qiladi.
Xitoy hukumati so‘nggi yillarda qashshoqlikka qarshi kurashni faol kuchaytirmoqda, biroq iqtisodiy o‘sish sur’atlarining pasayishi bunga xalal bermoqda. 2014-yilda 12 million xitoylik qashshoqlikdan chiqib keta oldi, vaholanki, birgina 2011-yilning o‘zida 43 million kishi qashshoqlar qatoridan chiqqandi.
Izoh (0)