Janubiy Koreya OAVlari qatag‘onga uchraganligini gumon qilgan KXDRning yuqori martabali generali mamlakat yetakchisi Kim Chen Inning yonida ko‘rinish berdi. Ma Von Chun toshqinlardan jabr ko‘rgan Rason shahriga tashrifi chog‘ida davlat rahbariga hamrohlik qilgan. Bu haqda “TASS” xabar bermoqda.
General-leytenant Ma Von Chun davlat mudofaa qo‘mitasi me’morchilik dizayni departamenti rahbari hisoblanadi. Oldinroq Janubiy Koreyaning ayrim nashrlari Kim Chen Inga Pxenyan aeroportidagi yangi yo‘lovchi terminali yoqmaganligi sababli uning qurilishiga rahbarlik qilgan general ishdan chetlatilgani va qatag‘on qilingani to‘g‘risida xabar bergan edi.
Rasonga tashrif Ma Von Chunning 2014-yil noyabridan beri omma oldida birinchi ko‘rinishi bo‘ldi.
Izoh (0)