O‘zbekiston U-19 yoshlar terma jamoasi Osiyo chempionati saralashi “A” guruhi 3-turida Bangladesh yoshlarini yirik — 4:0 hisobida mag‘lub etdi va OCh final bosqichiga yo‘llanmani qo‘lga kiritdi. Bu haqda O‘zbekiston futbol federatsiyasi matbuot xizmati xabar bermoqda.
Jasur Abduraimov bosh murabbiyligidagi terma jamoa Osiyo chempionati saralashi, A guruhi so‘nggi turida mezbon – Bangladesh terma jamoasiga qarshi maydonga tushdi. O‘yinning ilk daqiqalaridan ustunlikni qo‘lga olgan O‘zbekiston yoshlari 2-daqiqada hisobni ochdi. O‘yinda to‘liq ustunlikka erishgan Jasur Abduraimov jamoasi ikkinchi bo‘limda raqib darvozasiga yana 3 ta gol urdi va yakunda 4:0 hisobidagi g‘alabani qo‘lga kiritdi.
Shu tariqa, O‘zbekiston U-19 yoshlar terma jamoasi kelasi yili Bahraynda bo‘lib o‘tadigan U-19 yoshlar o‘rtasidagi Osiyo chempionati final bosqichiga yo‘llanma oldi.
Eslatib o‘tamiz, O‘zbekiston termasi dastlabki ikki o‘yinda Butan va Shri-Lanka termalari ustidan zafar quchgandi.
U-19 Osiyo chempionati saralashi
“A” guruhi. 3-tur.
O‘zbekiston — Bangladesh 4:0 (3:0)Gollar: Doston Ibragimov (2, 62), Bobur Abduholiqov (79), Suhrob Nurulloyev (90+2).
Izoh (0)