Ўзбекистон U-19 ёшлар терма жамоаси Осиё чемпионати саралаши «А» гуруҳи 3-турида Бангладеш ёшларини йирик — 4:0 ҳисобида мағлуб этди ва ОЧ финал босқичига йўлланмани қўлга киритди. Бу ҳақда Ўзбекистон футбол федерацияси матбуот хизмати хабар бермоқда.
Жасур Абдураимов бош мураббийлигидаги терма жамоа Осиё чемпионати саралаши, «А» гуруҳи сўнгги турида мезбон – Бангладеш терма жамоасига қарши майдонга тушди. Ўйиннинг илк дақиқаларидан устунликни қўлга олган Ўзбекистон ёшлари 2-дақиқада ҳисобни очди. Ўйинда тўлиқ устунликка эришган Жасур Абдураимов жамоаси иккинчи бўлимда рақиб дарвозасига яна 3 та гол урди ва якунда 4:0 ҳисобидаги ғалабани қўлга киритди.
Шу тариқа, Ўзбекистон U-19 ёшлар терма жамоаси келаси йили Баҳрайнда бўлиб ўтадиган U-19 ёшлар ўртасидаги Осиё чемпионати финал босқичига йўлланма олди.
Эслатиб ўтамиз, Ўзбекистон термаси дастлабки икки ўйинда Бутан ва Шри-Ланка термалари устидан зафар қучганди.
U-19 Осиё чемпионати саралаши
«А» гуруҳи. 3-тур.
Ўзбекистон — Бангладеш 4:0 (3:0)Голлар: Достон Ибрагимов (2, 62), Бобур Абдуҳолиқов (79), Суҳроб Нуруллоев (90+2).
Изоҳ (0)