Tayvanning Tayoyuan shahrida eshitish qobiliyatini yo‘qotgan sportchilar o‘rtasida o‘tkazilayotgan Osiyo-Tinch okeani o‘yinlarida o‘zbekistonlik taekvondochilari uchta bronzani qo‘lga kiritdi. Bu haqda O‘zbekiston Milliy olimpiya qo‘mitasi matbuot xizmati xabar berdi.
58 kilogrammgacha bo‘lgan vazn toifasida Davron Xidirov, shuningdek, 47 kilogrammgacha bo‘lgan vazn toifasida Gulmira Dadajonova va 57 kilogrammgacha bo‘lgan vazn toifasida Mahfuza Qurbonova bronza medallar egasiga aylandi.
Ma’lumot uchun, eshitish qobiliyatini yo‘qotgan sportchilar o‘rtasida 8-bor o‘tkazilayotgan Osiyo-Tinch okeani o‘yinlarida 25 davlatdan kelgan 1,5 ming sportchi yengil atletika, badminton, velosport, futbol, bouling, futzal, dzyudo, stol tennisi, suzish, taekvondo, tennis va basketbol turlari bo‘yicha g‘oliblik uchun kurash olib bormoqda.
Izoh (0)