O‘zbekiston va Markaziy Osiyoning yetakchi dizayn agentliklaridan biri Brandbox Branding o‘zining besh yilligini nishonladi. Bu yillar davomida agentlik xalqaro reklama biznesida munosib o‘ringa ega bo‘ldi — u World Of AdAsia sayti tomonidan tuzib boriladigan reytingda 2014-yili Markaziy Osiyoning eng yaxshi besh agentligidan biri deb topildi.
2010-yilda tashkil topgan Brandbox Branding agentligi bugungi kunda reklama sanoatida o‘z o‘rniga ega. Bundan tashqari, agentlik hamkorlarining ishonchi va hurmatiga sazovor bo‘lgan.
Agentlikning asosiy faoliyati — dizayn va reklama sohasidagi xizmatlar. Brandbox Branding logotip va firma stilini yaratish, qadoq va yorliqlar dizayni, katalog, taqvim, yillik hisobotlar dizayni hamda reklama kampaniyalarini yaratish kabi xizmatlarni taqdim etadi.
Bugungi kungacha kompaniya o‘z ixtisosligi bo‘yicha 200 dan ortiq loyihalarni muvaffaqiyatli amalga oshirgan.
Uzcard, “Agrobank”, “Korzinka.uz” supermarketlar tarmog‘i, Bookcafe va yana ko‘plab kompaniyalar Brandbox Branding’ning mijozlaridir.
Brandbox Branding Red Jolbors Fest (Bishkek, Qirg‘iziston) reklama festivali, Kiyev xalqaro reklama festivali va AdStars (Seuldagi xalqaro reklama festivali) laureati hisoblanadi.
Agentlik bazasida O‘zbekistondagi birinchi Reklama va dizayn maktabi tashkil etildi. Maktab mazmunga boy ta’lim dasturi, ekspertlar bilan jonli muloqot va kasbingizga maksimal ravishda sho‘ng‘ish imkonini beradi.
Reklama huquqi asosida
Izoh (0)