Instagram ijtimoiy tarmog‘i faoliyat olib borgan davr — besh yil ichida foydalanuvchilar tomonidan 40 milliarddan ortiq suratlar yuklandi. Bu haqda “Interfaks” agentligi xabar bermoqda.
Qayd etishlaricha, Instagram foydalanuvchilari har oy 80 millionta fotosurat yuklaydi va har kuni 3,5 milliard layk qo‘yadi, tarmoqning bir oylik faol foydalanuvchilari soni 400 milliondan oshib ketgan, ularning 75 foizi AQShdan tashqarida yashaydi.
Ma’lumot uchun, Instagram — fotosuratlar va videoyozuvlar bilan bepul almashish imkoni beruvchi mobil ilova bo‘lib, amerikalik Kevin Sistrom va Mayk Kriger tomonidan ishlab chiqilgan.
Kompaniya 2010-yili tashkil etilgan bo‘lib, yil oxiriga borib foydalanuvchilari soni bir millionga yetgan. 2012-yili Instagram’ni boshqa bir ijtimoiy tarmoq — Facebook sotib olgandi.
Izoh (0)