Olmaotada kranchi tomonidan tashkil etilgan xavfli arg‘imchoq videosi paydo bo‘ldi

Olmaotadagi kranchi xavfli arg‘imchoqni tashkil etdi. Bu haqda Tengrinews xabar bermoqda.

Internetda paydo bo‘lgan video kadrlarida bir kishi besh qavatli bino balandligida kranning ilmog‘ida o‘tirganini ko‘rish mumkin. U hech bir vahimasiz, atrofni tomosha qilib, ilmoqdan arg‘imchoqdek foydalangan.

Bu vaqtda kranni boshqa bir kishi boshqarayotgan bo‘lgan. Videoning so‘nggi soniyalarida “xavfli arg‘imchoq” pastga tushishni boshlaganini ko‘rish mumkin.

https://www.youtube.com/watch?t=2&v=jrOIR2Hi5gM

Erkak nima sababdan hayotini bunday xatarga qo‘ygani hozircha ma’lum emas. Bundan tashqari, video Olmaotaning aynan qayerida va qachon olingani ham noma’lum.