NATO bosh kotibi Rossiyani Suriyada konstruktiv rol o‘ynab, AQSh bilan nizoga kirishmaslikka chaqirdi

NATO bosh kotibi Yens Stoltenberg Rossiyani IShID terrorchilik tashkilotiga qarshi kurashda “konstruktiv va kooperativ rol o‘ynash”ga hamda AQSh qo‘mondonligidagi koalitsiya harakatlariga zid chiqmaslikka chaqirdi. Bu haqda NATO matbuot xizmatiga tayanib, “TASS” xabar berdi.

“NATO bosh kotibi ushbu muammo bo‘yicha Rossiya va AQSh aloqalarini ma’qulladi, biroq Rossiyaning Suriya prezidenti Bashar Asadni qo‘llab-quvvatlash bo‘yicha harakatlarini konstruktiv emas, deb hisobladi”, — deyiladi alyans bayonotida.

Nashr eslatishicha, avvalroq NATO bosh qarorgohi Shimoliy Atlantika kengashi Rossiya qurolli kuchlarining Suriyadagi harakatlarini kuzatib borayotganini ma’lum qilgan edi.