Xitoyda dangasaligi va beg‘amligi uchun mansabdorlar jazoga tortildi. Bu haqda Reuters xabar bermoqda.
Bunday choralar ko‘rilishiga rivojlanish loyihalarini ma’qulash va ularga mablag‘ ajratilishidagi sustkashliklar sabab bo‘lgan. Xitoy rahbari Si Szinpin tomonidan amalga oshirilayotgan poraxo‘rlikka qarshi kampaniyadan cho‘chib qolgan mahalliy mansabdorlarning aksariyati 1,5 yil davomida korrupsiyada ayblanmaslik uchun yirik loyihalarni tasdiqlashni ortga surib kelgan.
O‘tkazilgan tekshiruvlar natijasida 24 ta provinsiya va shahardagi jami 249 nafar amaldor ishidan ozod etilgan, lavozimi pasaytirilgan yoki ogohlantirish olgan. Hisob raqamlarda to‘planib qolgan 296 milliard yuan (46,5 milliard dollar) zudlik bilan rivojlanish loyihalari va ijtimoiy dasturlarga yo‘naltirildi.
Izoh (0)