Хитойда дангасалиги ва беғамлиги учун мансабдорлар жазога тортилди. Бу ҳақда Reuters хабар бермоқда.
Бундай чоралар кўрилишига ривожланиш лойиҳаларини маъқулаш ва уларга маблағ ажратилишидаги сусткашликлар сабаб бўлган. Хитой раҳбари Си Цзиньпин томонидан амалга оширилаётган порахўрликка қарши кампаниядан чўчиб қолган маҳаллий мансабдорларнинг аксарияти 1,5 йил давомида коррупцияда айбланмаслик учун йирик лойиҳаларни тасдиқлашни ортга суриб келган.
Ўтказилган текширувлар натижасида 24 та провинция ва шаҳардаги жами 249 нафар амалдор ишидан озод этилган, лавозими пасайтирилган ёки огоҳлантириш олган. Ҳисоб рақамларда тўпланиб қолган 296 миллиард юань (46,5 миллиард доллар) зудлик билан ривожланиш лойиҳалари ва ижтимоий дастурларга йўналтирилди.
Изоҳ (0)