Ozarbayjon Tog‘li Qorabog‘dagi dushmanning yetti askari yo‘q qilinganini ma’lum qildi

Ozarbayjon milliy armiyasining uch harbiy xizmatchisi Armaniston tomonining hujumini qaytarish chog‘ida halok bo‘ldi. Bu haqda, Ozarbayjon Mudofaa vazirligi matbuot xizmati bayonotiga asoslanib, “Interfaks” xabar bermoqda.

Vazirlik xabariga ko‘ra, Ozarbayjon armiyasi 28-sentabrga o‘tar kechasi Armaniston tomonining jonli kuchi va jangovar texnikasiga qarata ogohlantiruvchi choralar ko‘rib, zarba bergan. Oqibatda yetti nafar Armaniston harbiy xizmatchi yo‘q qilingan.

Ozarbayjon Mudofaa vazirligi matbuot xizmati xabarida alohida qayd etilishicha, ozarbayjonlik harbiy xizmatchilar butun front chizig‘i bo‘ylab tezkor vaziyatni to‘liq nazorat qilib turibdi.

O‘z navbatida, Tog‘li Qorabog‘ Mudofaa vazirligi matbuot xizmati “Tog‘li Qorabog‘ Respublikasi mudofaa armiyasida yo‘qotishlar yo‘q”ligini haqida bayonot berdi. Tan olinmagan respublikadan ma’lum qilishlaricha, Ozarbayjon armiyasining “o‘ndan ortiq harbiylari yo‘q qilingan”.

Ma’lumot uchun, o‘tgan hafta Qorabog‘ nizosining chegara hududi vaziyat keskinlashdi, tomonlar bir-biriga qarata artilleriyadan zarbalar bergan.