Amerikalik mutaxassislar oyoq-qo‘llardan miyaga va aksincha tartibda to‘g‘ridan-to‘g‘ri signallar uzatish imkonini beruvchi tizimni ishlab chiqdi, deya xabar bermoqda “Hi-tech.mail.ru”.
Ishlanma birinchi marta muvaffaqiyatli ravishda qo‘llanilganida besh yil davomida ikkala oyoq falajligidan azob chekkan bemorga mustaqil harakatlanish qobiliyatini qaytarib berdi.
Tizim oyoq-qo‘llarga sezuvchanlikni qaytarish bilan birga, buni sezgili protezlarga qaraganda tabiiyroq tarzda qiladi.
Tizimni yaratish uchun kaliforniyalik mutaxassislar miya faolligini kuzatuvchi oddiy elektr ensefalografdan hamda ushbu ma’lumotni talqin qiluvchi dasturiy ta’minotdan foydalandi. U uzatadigan signallar maxsus magnit nurlanishlari yordamida oyoq-qo‘llarni harakatlantiruvchi markazga yuboriladi.
Tizimni ishlatishdan avval bemor maxsus tayyorgarlikdan o‘tdi. Birinchi bosqichda u kompyuter o‘yini qahramonlarini fikr kuchi bilan harakatlantirgan bo‘lsa, keyin osilgan holda maxsus trenajyorda o‘z oyoqlarini boshqardi, shundan so‘nggina mustaqil yurishni o‘rgana boshladi. 20 ta mashg‘ulotdan keyin bemor ilk 3,5 metr masofani o‘zi bosib o‘tdi.
Izoh (0)