Dubay aeroporti yo‘lovchi oqimi 50 milliondan yuqori bo‘lgan dunyoning eng yaxshi aeroporti deb topildi va aviasayohatlar bobidagi nufuzli xalqaro mukofot — World Routes Marketing Award sohibiga aylandi. Mukofotni topshirish marosimi 22-sentabr, seshanba kuni JARning Durban shahrida bo‘lib o‘tdi, deya xabar qilinadi tadbir saytida.
Yiliga 20 milliondan 50 milliongacha kishiga xizmat ko‘rsatuvchi aeroportlar orasida mukofot Kopengagen aeroportiga nasib etdi. Praga aeroporti esa 4 milliondan 20 milliongacha yo‘lovchi oqimiga ega aeroportlar safida yetakchi bo‘ldi. 4 milliongacha yo‘lovchiga xizmat qiladigan kichik havo qo‘nalg‘alari ichida Kanadaning Galifaks Stenfild aeroportiga teng keladigani topilmadi.
Shuningdek, Singapur, Amsterdam, Frankfurt, Abu-Dabi, Bryussel, Dublin, Myunxen, Vena havo darvozalari ham dunyoning eng yaxshi aeroportlari ro‘yxatida qayd etildi.
Izoh (0)