Америкалик мутахассислар оёқ-қўллардан мияга ва аксинча тартибда тўғридан-тўғри сигналлар узатиш имконини берувчи тизимни ишлаб чиқди, дея хабар бермоқда «Hi-tech.mail.ru».
Ишланма биринчи марта муваффақиятли равишда қўлланилганида беш йил давомида иккала оёқ фалажлигидан азоб чеккан беморга мустақил ҳаракатланиш қобилиятини қайтариб берди.
Тизим оёқ-қўлларга сезувчанликни қайтариш билан бирга, буни сезгили протезларга қараганда табиийроқ тарзда қилади.
Тизимни яратиш учун калифорниялик мутахассислар мия фаоллигини кузатувчи оддий электр энцефалографдан ҳамда ушбу маълумотни талқин қилувчи дастурий таъминотдан фойдаланди. У узатадиган сигналлар махсус магнит нурланишлари ёрдамида оёқ-қўлларни ҳаракатлантирувчи марказга юборилади.
Тизимни ишлатишдан аввал бемор махсус тайёргарликдан ўтди. Биринчи босқичда у компьютер ўйини қаҳрамонларини фикр кучи билан ҳаракатлантирган бўлса, кейин осилган ҳолда махсус тренажёрда ўз оёқларини бошқарди, шундан сўнггина мустақил юришни ўргана бошлади. 20 та машғулотдан кейин бемор илк 3,5 метр масофани ўзи босиб ўтди.
Изоҳ (0)