Tojikistonning Ramit darasidagi harbiy to‘qnashuvlarda “Alfa” maxsus bo‘linmasi qo‘mondoni Rustam Amakiyev halok bo‘ldi, deya xabar bermoqda “RIA Novosti” respublika IIVdagi manbasiga tayanib.
Uning so‘zlariga ko‘ra, Amakiyev mudofaa vaziri sobiq o‘rinbosari Abduhalim Nazarzodaning qurolli guruhi bilan to‘qnashuvlarda halok bo‘lgan. Shu urushning o‘zida “Alfa”ning yana bir jangchisi va alohida topshiriqli mobil otryadning ikki a’zosi nobud bo‘lgan.
To‘qnashuv 15-sentabr, seshanba kuni kechki payt ro‘y bergan.
Eslatib o‘tamiz, 4-sentabr kuni iste’foga chiqarilgan mudofaa vazirining o‘rinbosari Abduhalim Nazarzoda mudofaa vazirligining Dushanbedagi markaziy tuzilmasi hamda Vahdat shahri ichki ishlar bo‘limiga hujum uyushtirishda ayblangan edi. Ramit darasiga yashiringan generalning tarafdorlari bilan qurolli to‘qnashuvlar sentabr boshidan buyon davom etmoqda.
Izoh (0)