Ayni paytda qurilayotgan dunyodagi eng aql bovar qilmas 10 ta bino (foto)

Zamonaviy me’morchilik fantastik ko‘rinishga ega va go‘yo insonni yulduzlarga yaqinlashtirishga urinayotgandek. “Adme.ru” ayni paytda qurilishi davom etayotgan va o‘lchamlari hayratlanarli bo‘lgan 10 bino bilan tanishtirdi.

1. Qirollik minorasi

U Saudiya Arabistonida bino qilinmoqda, balandligi 1 kilometrgacha yetadi. Minoraning qurilishi o‘tgan yili boshlanib, 2019-yilda bitkazilishi kutilmoqda.

2. Shanxay minorasi

121 qavatli minora Xitoyda 1993-yildan 2015-yil boshigacha qurildi. Ayni paytda pardozlash ishlari bormoqda.

3. Dubai Pearl

Ushbu bino “ichki shahar” ko‘rinishida bo‘lib, u to‘rtta minorani ko‘priklar orqali birlashtiradi.

4. Agora Garden

Taypey shahridagi 20 qavatli inshoot qurilishi 2016-yilda yakunlanadi. Uning har bir qavatidagi balkonlarda bog‘lar o‘stiriladi.

5. World One

Hindistonda qurilayotgan 117 qavatli osmono‘par bino sayyoradagi eng baland turar-joyga aylanishi kutilmoqda.

6. Qirol Abdulla neftni o‘rganish va tadqiq qilish markazi (KARSARC)

Saudiya Arabistonidagi ushbu bino mashhur me’mor Zaxi Hadid ijodiga mansub bo‘lib, u olti burchakli hujralarni birlashtirish asosida o‘ylab topilgan.

7. Chjunnan markazi

Xitoyning Suchjou shahrida 730 metrli markaz qurilishi yaqinda boshlandi, u 2020-yilda tayyor bo‘ladi. U dunyoda uchinchi eng baland binoga aylanadi.

8. Lotte World Tower

556 metrli osmono‘par bino Seulda 2016-yilda qurib bitkaziladi.

9. “Davang” tog‘ kurorti

Xitoydagi ushbu kurort 170 metrga cho‘zilgan binodan iborat bo‘lib, u 2016-yilda tayyor bo‘ladi.

10. “Sonjang” mehmonxonasi

Xitoydagi yana bir bino qoya va ko‘llar oralig‘ida joylashgan mehmonxonadir. Uning ichidan sharshara oqib o‘tadi.