Тожикистоннинг Рамит дарасидаги ҳарбий тўқнашувларда «Альфа» махсус бўлинмаси қўмондони Рустам Амакиев ҳалок бўлди, дея хабар бермоқда «РИА Новости» республика ИИВдаги манбасига таяниб.
Унинг сўзларига кўра, Амакиев мудофаа вазири собиқ ўринбосари Абдуҳалим Назарзоданинг қуролли гуруҳи билан тўқнашувларда ҳалок бўлган. Шу урушнинг ўзида «Альфа»нинг яна бир жангчиси ва алоҳида топшириқли мобил отряднинг икки аъзоси нобуд бўлган.
Тўқнашув 15 сентябрь, сешанба куни кечки пайт рўй берган.
Эслатиб ўтамиз, 4 сентябрь куни истеъфога чиқарилган мудофаа вазирининг ўринбосари Абдуҳалим Назарзода мудофаа вазирлигининг Душанбедаги марказий тузилмаси ҳамда Ваҳдат шаҳри ички ишлар бўлимига ҳужум уюштиришда айбланган эди. Рамит дарасига яширинган генералнинг тарафдорлари билан қуролли тўқнашувлар сентябрь бошидан буён давом этмоқда.
Изоҳ (0)