Noma’lum kimsalar Moskva markazida Morgan Stanley Bank vitse-prezidenti Pavel Yanitskiyga qarashli kvartirani tunab ketdi. Bu haqda “Interfaks” xabar bermoqda.
Talonchilar Malaya Bronnaya ko‘chasidagi uyning 3-qavatida joylashgan bankirning kvartirasiga deraza orqali kirib, 30 ming dollar, qadimiy soatlar, o‘n juft tugma (zaponka), ayollar taqinchoqlari va Land Rover avtomobili kalitini o‘g‘irlagan. Jami ko‘rilgan zarar 1,2 million rublga baholanmoqda.
Yanitskiyning o‘zi jinoyat sodir etilgan payt ta’tilda bo‘lgan. Mazkur hodisa yuzasidan jinoiy ish ochildi.
Ma’lumot uchun, Morgan Stanley Bank AQShning Morgan Stanley xoldingining Rossiyadagi vakolatxonasi hisoblanadi.
Izoh (0)