Donetskning “Shaxtyor” futbol jamoasiga qarshi Yevropa Chempionlar ligasi uchrashuvida (4:0) xet-trikni rasmiylashtirgan Madridning “Real” klubi hujumchisi Krishtianu Ronaldu musobaqa tarixidagi eng yaxshi to‘purarlar ro‘yxatidan Messidan o‘zib ketganiga izoh berdi. Bu haqda “Sports.ru” xabar bermoqda.
Ma’lumot uchun, ayni vaqtda Ronaldu hisobida Chempionlar ligasi doirasida urilgan 80 ta, Messi hisobida esa 77 ta gol bor.
“Bu hodisa tabiiy bir ko‘rinishda sodir bo‘lishini bilardim, shu sababli ham hech qanday bosimni his qilganim yo‘q. Albatta, bu zo‘r natija. Aldamoqchi emasman — men baxtiyorman, biroq bu ko‘rsatkich asosiy maqsad emas. Mening vazifam — butun mavsum davomida yaxshi o‘yin ko‘rsatib, eng asosiysi — jamoa g‘alaba qozonishi va sovrinlarni qo‘lga kiritishiga yordam berish”, — dedi Ronaldu.
“Umid qilamanki, mening gollarim bundan keyingi o‘yinlarda ham “Real”ning g‘alaba qozonishiga yordam beradi, bu narsa menga ishonch bag‘ishlaydi; hammasini shu ruhda davom ettirishni istayman”, — deya qo‘shimcha qildi portugaliyalik futbol yulduzi.
Izoh (0)