Ozarbayjon poytaxti Boku shahrida shaxmat bo‘yicha Jahon kubogi davom etmoqda. Jahon kubogida 35-raqam ostida tasniflangan 17-jahon chempioni Rustam Qosimjonov 1/64 finalda kanadalik Aleksey Kovalyov bilan bahslashmoqda, deb xabar beradi “Olamsport”.
Reytingda raqibidan ancha yuqorida turishiga qaramay, o‘zbekistonlik shaxmatchi qiyinchilikka duch kelyapti. Qosimjonov ikkinchi partiyada ham Kovalyovni mag‘lubiyatga uchrata olmadi. Hozircha hisob 1:1, 13-sentabr kuni hal qiluvchi uchinchi partiyadan so‘ng mazkur juftlikdan keyingi bosqichga yo‘l oladigan shaxmatchi nomi aniqlanadi.
1/32 final bosqichida Qosimjonov – Kovalyov juftligi g‘olibini Sandro Mareko kutib turibdi. Argentinalik bu grossmeyster 2015-yili may oyida o‘tkazilgan Amerika chempionatida g‘oliblik shohsupasiga ko‘tarilgan edi.
Ma’lumot uchun, dunyoning eng kuchli 128 nafar shaxmatchisi dona surayotgan mazkur nufuzli musobaqa olimpiya tizimida o‘tkazilayotgan bo‘lib, har bir bosqichdan so‘ng mag‘lubiyatga uchragan ishtirokchi turnirni tark etdi.
Izoh (0)