Озарбайжон пойтахти Боку шаҳрида шахмат бўйича Жаҳон кубоги давом этмоқда. Жаҳон кубогида 35-рақам остида таснифланган 17-жаҳон чемпиони Рустам Қосимжонов 1/64 финалда канадалик Алексей Ковалёв билан баҳслашмоқда, деб хабар беради «Оламспорт».
Рейтингда рақибидан анча юқорида туришига қарамай, ўзбекистонлик шахматчи қийинчиликка дуч келяпти. Қосимжонов иккинчи партияда ҳам Ковалёвни мағлубиятга учрата олмади. Ҳозирча ҳисоб 1:1, 13 сентябрь куни ҳал қилувчи учинчи партиядан сўнг мазкур жуфтликдан кейинги босқичга йўл оладиган шахматчи номи аниқланади.
1/32 финал босқичида Қосимжонов – Ковалёв жуфтлиги ғолибини Сандро Мареко кутиб турибди. Аргентиналик бу гроссмейстер 2015 йили май ойида ўтказилган Америка чемпионатида ғолиблик шоҳсупасига кўтарилган эди.
Маълумот учун, дунёнинг энг кучли 128 нафар шахматчиси дона сураётган мазкур нуфузли мусобақа олимпия тизимида ўтказилаётган бўлиб, ҳар бир босқичдан сўнг мағлубиятга учраган иштирокчи турнирни тарк этди.
Изоҳ (0)